Мӑн Чураш шкулĕнче чӑваш чĕлхи эрни иртсе пынӑ май нарӑс уйӑхĕн 19-мĕшĕнче 2 класс ачисем Итали халӑх юмахĕ тӑрӑх чӑвашла куҫарнӑ «Урасем утмаҫҫĕ» сценкӑна пĕтĕм шкул ачисем умĕнче выляса кӑтартрĕҫ. Тĕп роле калӑплакан- наян ача. Юмахри ĕҫ-пуҫ вӑрманта пулса иртет. Унти ӱсен-тӑрансемпе чĕр чунсем ҫав наян ачана питлеҫҫĕ. Кахал пулса ӱссен пурӑнма йывӑр пулассине вĕрентсе калаҫҫĕ. Ачасем хӑйсене шанса панӑ рольсене теплĕн хатĕрленнĕ. Вĕсем выляни куракансен кӑмӑлне кайрĕ. Сцена ҫинчен вĕсене ӑшшӑн алӑ ҫупса ӑсатрĕҫ.