Чӑваш чĕлхи эрни вĕҫленнĕ май акан 25-мĕшĕнче Мӑн Чурашри вӑтам шкулта 1-4 кл тата шкул сулне ҫитмен ачасемпе И.Я. Яковлевӑн юбилей каҫĕ иртрĕ. Малтанах шкулти тата ялти библиотекарьсем И.Я. Яковлевӑн пурнӑҫĕпе паллаштарчĕҫ, презентаци кӑтартрĕҫ. Савӑнӑҫлӑ концерт программине шкул ҫулне ҫитмен ачасем пуҫларĕҫ.  Пĕрремĕш классем унӑн юмахĕсем тӑрӑх сценкӑсем кӑтартрĕҫ. Аслӑрах класра вĕренекенсем чӑваш юрри-ташшисемпе савӑнтарчĕҫ, вӑйӑ карти йĕркелерĕҫ.Уяв каҫĕ вĕҫленнĕ май И.Я. Яковлевӑн халал сӑмахĕпе паллашрӑмӑр. Ачасем вӑл вĕрентсе хӑварнине асра тытса, ваттисене хисеплесе, ырӑпа усала уйарма пĕлсе, пĕр-пĕрне пулӑшса, юратса пурӑнмаллине ӑша хыврĕҫ.Уяв пурне те питĕ килĕшрĕ.